ഞങ്ങളുടെ ലക്ഷ്യം

കുട്ടികളെ അവരുടെ സാമൂഹ്യ-ധാർമ്മിക മൂല്യങ്ങളെ വർദ്ധിപ്പിക്കാനും ശ്രീകൃഷ്ണന്റെ ഉപദേശങ്ങൾക്കനുസരിച്ച് സഞ്ചരിച്ചുകൊണ്ട് ജീവിത വിജയം നേടാനും പ്രാപ്തരാക്കുക എന്നതാണ് ഈ സംഘടനയുടെ ലക്ഷ്യമായി പറയുന്നത്. ദേശീയ ബോധമുള്ള ഒരു തലമുറയെ സൃഷ്ടിക്കുക എന്നതും ലക്ഷ്യമായി പറയുന്നു.

എന്നിരുന്നാലും ഈ സംഘടന പ്രാഥമികമായി ഹിന്ദുമത വിശ്വാസികളായ കുട്ടികളെ ലക്ഷ്യമിട്ടുള്ള സംഘടനയാണ്.

"സർവ്വേ സന്തു നിരാമയാഃ" എന്ന സംസ്കൃതവാക്യമാണ് ബാലഗോകുലത്തിന്റെ ആപ്തവാക്യം. എല്ലാവരും സന്തോഷത്തോടെ ഇരിക്കട്ടെ എന്നാണ് അതിന്റെ മലയാള പരിഭാഷ. രാഷ്ട്രീയ സ്വയംസേവക സംഘത്തിൻ്റെ പ്രോത്സാഹനത്തിൽ പ്രവർത്തിക്കുന്ന ഇതിനെ സംഘപരിവാർ സംഘടനയായി കണക്കാക്കുന്നു